Carles Monereoren hitzaldiaren bideoa

Aurreko post batean, Monereok bere hitzaldian erabili zuen aurkezpena argitaratu genuen. Orain, ikusi eta entzuteko aukera daukazue bere interbentzioa bideoz grabatu zelako. Mila esker Carles-i grabatzeko baimena emateagatik.

Anuncios

Tertulia Dialogikoa

Tertulian elkartu ginenok oso lan gogorra egin genuen eta tamainako etekina atera genion. Gordon Wells-en “Indagación Dialógica” liburuko 9. kapitulua irakurri eta komentatu genuen: Aprender con y de nuestros estudiantes.

Bikain bete genuen gure lana testuko pasarterik azpimarragarrienak elkarbanatuz.

Zertaz hitz egin genuen? Bada, irakasleon lanaz, ikuspuntuak aldatu beharraz, gure eguneroko praktika aldatzeko ahaleginetaz, erreferentzia teorikoetaz  eta praktikan nabarmentzen ditugun gabezietaz, ikasleengandik ikasten dugunaz…

Testuari alderdi praktikoa ere bilatu genion, lan ildo batzuk nabarmendu genituen; besteak beste: Lanaren planifikazioan ikasleak nola inplikatu, ikasleen arteko laguntzak bideratzeko erak, ikaskideen arteko lan erregulazioa nola aurrera eraman, eta batez ere, irakasleon arteko kolaborazioaz geure praktika hobetzeko.

Saioaren balorazioa egiterakoan bizi izandako esperientzia aipatu genuen, eta gainera  lankide batzuen eskarmentuaren berri izan genuen.  Igorreko eskolan, Kukullagan eta Eguzkibegin badira irakasleak euren ikasleekin batera tertulian  aritzen direnak eta.

Gaiaz interesa badaukazue  Berritzegunekideok prest gaude ikastetxean bertan lan saioa egiteko, eta  gehiago jakiteko, alderdi teorikotik zein praktikotik (zeintzu liburu erabili adibidez), jo dezakezue ikaskom helbidera.

6.mailako ikasleen Tertulia Dialogikoa zuzenean, benetan interesgarria:

Ikasketa kooperatiboko Tailerra

Irudiaren kreditua

Iazko jardunaldietan etapa desberdinetako hiru ikastetxek konpartitu zuten gutiokin ikasketa kooperatiboaren inguruko esperientzia. Gauzak egiten “egiten” ikasten direnez, aurten nahi izan dugu metodologia hau ez bakarrik azaldu, baita bizi ere.

Horretarako, urte hauetan, ikasketa kooperatiboa esperientzian egon diren hiru irakasle prest egon dira tailerrean dinamika eta egituraren bat praktikan jartzeko.

Hasieran, 10 minutuko aurkezpen bat egin zen, esperientzia bere markoan kokatzeko eta lan egiteko ibilbidea azaltzeko. Hona hemen erabili genuen power point-a.

Aurkezpenenean ikusten den eta aurreko post-ean azaltzen genuen moduan, ikasketa kooperatiboa martxan jartzeko Jose Ramón Lagok eta Pere Pujolasen ekipokoek bide bat proposatzen digute:

  • A Eremua:Talde kohesioa lantzeko tresna (dinamikak)
  • B Eremua: Talde lana arloetako edukiak ikasteko errekurtsoa (egitura sinple eta konplexuak)
  • C Eremua: Talde lana eduki legez (Ekipoko Planak eta Koadernoak)

Ibilbide hau jarraituz, lehenengo pausua izan zen A Eremuko dinamikaren bat praktikan jartzea. Zutik eta borobil batean, Etxegarai LHIko Amparok A eremuko dinamika pare bat egin zuen: Pilota eta Koloreetako mundua. Hauek egin ondoren, denon artean aztertu genuen: zelan sentitu ginen, zertarako dira egokiak, zelan erabili… Komentatu zen Koloreetako Mundua, bereziki. oso aproposa zela gero ekipoak egiteko, ikasleei buruzko informazio asko eta esanguratsua (nor da egokia laguntza emateko, zelan dira haien arteko harremanak…) ematen du eta.

Hurrengo pausua izan zen B Eremuko egitura batzuk azaltzea eta praktikan jartzea.

Alde batetik, Arrigorriaga BHIko Felix Bilbaok aurkeztu zigun bere gelan grabatutako bideo bat non ikusten ziren ikasleak Irakurketa partekatua eta 1,2,4 egiturak jarduera berean lantzen: testua irakurri eta ulertzeko, eta galderak erantzuteko. Berak azaldu zuen zelan egiten zuela, zertarako, egitura honen alde onak eta zailtasunak… Berarentzat oso egiturak erabilgarriak dira irakurketa lantzeko.

Beste aldetik, Arratia BHIko Karmele Angoitiak gurekin praktikan jarri zuen Folio birakaria egitura. Bere gelan, gai baten errepasoa egiteko prestatu zuen kontzeptuzko mapa ekarri zuen eta, launaka ipinita, banan banan joan ginen mapa osatzen Folio birakaria egituraren jarraibideak kontuan hartuta.

Azkenik, C Eremuko Ekipoko Planak zer ziren oso arin azaldu zen eta adibiden bat erakutsi.

Bi ordutako saioa izan arren, gure ustez baliogarria izan zen ikasketa kooperatiboa zertan datza gainetik ikusteko eta lehenengo hurbilketa egiteko.

Tailerrean parte hartu zenuten irakasleei eta besteei ere animatu nahi zaituztegu saiakerak egitera. Gu laguntzeko prest gaude eta gure mintegia ere zabalik dago nahi duenarentzat

Hau da gure bloga eta gure wikia. Hor topatuko duzue informazio pila bat gaiari buruz eta gure azkenengo urteetako esperientzia.

Mila esker guztioi!

Talde Elkarreragileen inguruko Tailerra

Tailerraren helburu nagusiak  bi ziren:

  • Talde elkarreragileak hobeto ezagutzea: zer, nola, zergatik, norekin, noiz, zertarako.
  • Talde elkarreragileen inguruko hausnarketa egitea

Helburu hauek betetze arren,    irakaskuntzarekin lotutako hiru ataza antolatu ziren talde elkarreragileen bitartez egiteko. Azkenean izandako bizipenaz gogoeta egin genuen.  Lan gogorra egin genuen baina parte hartu zutenen iritiziz jarduera oso aberasgarria izan zen. Dakizuenez, honelako tailerra ikastetxean egin nahi izatekotan,  gurekin harremanetan jarri eta antolatuko dugu. Bestetik, erabilitako materialak hemen dituzue:

Zer diraTalde Elkarreragileak

Talde elkarreragileak ZERTARAKO

Talde elarreragilekin lotutako atazak

Vygotskyren ekarpenak

Vygotskyren inguruko buru mapa

Vygotskyren eragina eskolan
Eta nola ez? Talde Elkarreragileen inguruko informazio gehiago izateko, hona hemen Ikaskom wikia , hortxe  artikulu batzuk aurkitu ahal dituzue eta.